Festprogramm

Am Christi-Himmelfahrtstag, den 15. Mai nachmittags 13.30 Uhr (pünktlich) in der Seerose in Rottach-Egern

Fest und Generalversammlung

Tagesordnung:
1. Jahres- und Kassenbericht
2. Entlastung des Kassiers
3. Ehrung für 50jährige Mitgliedschaft mit Überreichung der Ehrennadel an die Ehrenmitglieder und für Mitglieder über 50 Jahre
4. Neuaufnahme
5. Wünsche und Anträge

Umrahmung durch die Unterwallberger Stubenmusik und den Geschw. Wackersberger

Am Samstag den 17. Mai 1959 um 20 Uhr findet im Hotel "Resi von der Post" in Bad Wiessee ein

Großer Heimatabend

statt.

Am Sonntag, den 18. Mai 1969, 10.30 Uhr
Aufstellung zum Kirchenzug an der Seerose
in Rottach-Egern.

11.15 Uhr Festgottesdienst

mit Gedenken an die gefallenen und verstorbenen Mitglieder.

Anschließend Festzug über die Seestraße-Hauptstraße und zurück zum Hotel Seerose.

Verteilung der Erinnerungsbänder, gemeinsames Mittagsessen und gemütlicher Nachmittag mit der Rottacher Blasmusik.


A boarisch "Grüß Gott" Ihr lieben Gäst
zum 80jährigen Gründungsfest

Denn 80 Jahr sans heuer worn,
dass der Woiberger Verein is geborn,
damit die Tracht erhoitn bleibt,
ja es war scho höchste Zeit.

Es warn ganz gwiß die grechten Männer,
ma kons nit oi beim Nama nenna.
Zammkema sans beim Bartlmä
iaz Hotel Bachmair am See.

Weil Karl Reinhard war die treibende Kraft
drum hamma Ihn zum 1. Vorstand g'macht.
Samit die Kasse in guatn Händ'n ward,
werd Ignaz Greif zum Säcklwart.

Als Beisitzer: Neumann, Kynast, Führmann, Reiffenstuehl und Holl
Max Reinhard führt das Protokoll.
Der Verein is stark worn in etla Jahren,
Mitglieder Bauern, Handwerker, Fürsten und Grafen waren.

Den Woibergern wohlgesinnt war der Prinzregent,
er hot an Verein 50 guate Mark gespendt
und wünscht ihm viel Glück weiterhin,
denn er woaß, der Verein hot an Sinn.

Von Neapel der König und die Königin
stenan ois Ehrenmitglieder in der Chronik drin.
De warn für den Verein begeistert
und ham den Säcklwart mit 100 Mark bereichert.

No zwoa Gründer derf ma nit vergessn,
den Grafen Luxburg und Graf von Drechsl.
A da Ganghofer und Thoma, de zwoa Dichter
warn im Woibergerverein bekannte Gsichter.
No a paar Mitglieder hot a jeda kennt
die Schauspieler Dreher, Terofal und Dengg.

Der Verein hot si dann mit dem Gedanken trong,
daa da Woiberg a sei Kreuz soit ham.
Aba da Herzog Carl war degegn und des wia,
er fürcht um de Ruah im Gamsrevier.

Drauf ham si drei Woiberger noch Minga gwogt
und ham bei da Königlichen Hoheit um Audient ogfrogt.
Die Drei ham si nit umsonst bemüaht,
den sie ham vom Herzog die Zuasog kriagt.

Arg schwar wars no mit dem Transport,
bis die Trümma vom Kreuz warn am Aufstellungsort.
Die Woiberger ham si plogt und g'schundn,
bis de weite Streck war übawundn.

 

Über Enterrottach und dem Wossafoi,
den Weg bergauf zur Portnisoim.
Wia dann die Sonn vom Himmi lacht,
stehn ringsum die Berg in voller Pracht.

Schaut ma ummi linker Hand,
da Blankastoa mit da gach'n Wand,
drüber weg, nit weit dahinter
sicht ma den boarischen und österreichischen Schinder.

Gegenüber von der andern Seit
grüaßt de bekannte Bodenschneid
mit dem Peißenberg ganz eng verwachs'n,
wo da Jennerwein sei Leb'n muaßt lassn.

Es kreist da Adler, a Riesenvogl
üba da Schnei vom Risserkogl.
Dann gehts weita nach kurzer Ruah,
dem steilen Woiberggipfi zua.

Drei Dog danoch stehts Kreuz auf der Höh,
erstellt vom Schlossermeister Popp von Tegernsee.
Hebauf ham's gfeiert bis tiaf in die Nacht
beim Glaslwirt in Oberach.

Am andern Morgen, es war a Sunda,
zum Woiberg nauf im Sonnenschein
um bei da Kreuzeinweihung dabei zu sein.

Am Nachmittag dann zu guata Letzt,
feierns in Enterrottach das Woibergerfest.
Da Woibergerverein hot in der langen Zeit
gar viel erlebt in Freud und Leid.

Es werd Euch no da Vorstand sogn,
do brauch i mi nit weita plogn.
Die beiden Weltkriag ham tiafe Wundn grissn,
durch die vielen Gefallenen und Vermißten.

110 Mitglieder san furt mit Muaters Seg'n,
Sie ham die Hoamat nimma g'sengn.
Aba oiwei wieda hots Idealisten geb'n
dene da Woibergerverein am Herzn is glegn.

Wos unsre Vorfahrn g'schaffn vor Jahrn
des Guate und Schöne muaß ma pflegn und wahrn,
Brauchtum, Musi und Liad,
dem Woibergverein und da Hoamat zliab.

Lenz Kandlinger